Ես եմ դուռը, Ես եմ բարի հովիվը

Եփեսացիներին 1.17-19 — 17 որպեսզի մեր Տեր Հիսուս Քրիստոսի Աստվածը՝ փառքի Հայրը, իրեն ճանաչելու համար տա ձեզ իմաստության և հայտնության հոգի, 18 որ ձեր սրտի աչքերը լուսավորի, և ճանաչեք, թե ի՛նչ է նրա կոչման հույսը, ինչքա՛ն է սրբերի մեջ նրա փառավոր ժառանգության առատությունը, 19 և որքա՛ն գերազանց ու մեծ է նրա զորությունը, որով նա զորացնում է մեզ՝ հավատացյալներիս՝ համաձայն իր զորավոր ուժի ներգործության։

Բանալի համար. ՀՈՎ. 10.1-21

1 Ճշմարիտ, ճշմարիտ եմ ասում ձեզ. ով ոչխարների փարախը դռնով չի մտնում, այլ ուրիշ տեղով է բարձրանում, նա գող է ու ավազակ։ 2 Սակայն ով դռնով է մտնում, նա ոչխարների հովիվն է։ 3 Դռնապանը նրա համար բացում է դուռը, և ոչխարները լսում են նրա ձայնը։ Նա իր ոչխարներին կանչում է անուն առ անուն և նրանց դուրս է հանում։ 4 Եվ երբ իր բոլոր ոչխարներին դուրս է հանում, գնում է նրանց առջևից, իսկ ոչխարները հետևում են նրան, որովհետև ճանաչում են նրա ձայնը։ 5 Բայց օտարի հետևից չեն գնա, այլ նրանից կփախչեն, որովհետև օտարների ձայնը չեն ճանաչում։ 6 Հիսուսը նրանց այս առակն ասաց, բայց նրանք չէին հասկանում, թե ինչի՛ համար էր նա այդ ասում իրենց։ 7 Հիսուսը դարձյալ ասաց նրանց. Ճշմարիտ, ճշմարիտ եմ ասում ձեզ.
Ես եմ ոչխարների դուռը։ 

Հայտնություն 3.7-8 — Փիլադելփիայի եկեղեցու հրեշտակին գրի՛ր. 

Այսպես է ասում Սուրբը՝ Ճշմարիտը, որ Դավթի բանալին ունի. նա, որ բացում է, և ոչ ոք չի փակում, նա, որ փակում է, և ոչ ոք չի բացում. Գիտեմ քո գործերը. ահա քո առջև բացված դուռ դրեցի, և այն ոչ ոք չի կարող փակել, որովհետև թեև քիչ զորություն ունես, բայց իմ խոսքը պահեցիր և իմ անունը չուրացար։

Ինչո՞ւ է Հիսուսն Իրեն «Դուռ» անվանում։

1. Հիսուսը մարդկության միակ փրկության դուռն է։

Հիսուսը նրան ասաց. Ես եմ ճանապարհը, ճշմարտությունն ու կյանքը. ոչ ոք Հոր մոտ չի գա, եթե ոչ իմ միջոցով (Հովհաննես 14.6):

Նոյան տապանի դուռը – Ծննդոց 6.16, 7.16

Տապանի դուռը կողքից կդնես. …Տապան մտնող բոլոր էակները արու և էգ էին, ինչպես Աստված պատվիրել էր Նոյին։ Ապա Տերը դուռը փակեց նրա ետևից։

Զատիկի դուռը – Ելից 12.7-13

Թող վերցնեն նրա արյունից ու քսեն տների երկու կողմի դրանդիներին և վերևի սեմին, որտեղ այն ուտելու են (Ելից 12.7)

Տաճարի դուռը – 1 Թագ. 6.31-35

Եվ սրբարանի դռան համար ձիթենու փայտից փեղկեր շինեց՝ դռնասյուների շրջանակներով, որ հնգանկյուն էր։ Դռան երկու փեղկերը ձիթենու փայտից էին, որոնց վրա քանդակել էր քերովբեներ, արմավենիներ ու բացված ծաղիկներ, և փորագրեց ոսկով և ոսկին տարածեց քերովբեների ու արմավենիների վրա։ Գ Թագ. 6.31-32

Հովվի Դուռը – Հովհաննես 10.7-9

Ես սիրում եմ Նեեմիայի պատմությունը և այն մարդկանց, ովքեր վերակառուցում են իրենց սիրելի հայրենիքի պատերը: Երուսաղեմի պարիսպների այս վերակառուցումն այսօր մեզ համար հոգևոր նշանակություն ունի։ Բայց այն, ինչ գրավեց իմ ուշադրությունն այն էր, որ նրանք նախ կառուցեցին Ոչխարաց դուռը:

Նեեմիա 3.1 — Եվ վեր կացան Եղիասիբ մեծ քահանան և նրա եղբայր քահանաները և շինեցին Ոչխարաց դուռը.

• Պարիսպների վերակառուցման ժամանակ հիշատակվել է 10 դարպաս, և ինչո՞ւ է ոչխարների դարպասն այդքան նշանակալից, քան մյուսները:

• Յուրաքանչյուր դարպաս ունի իր գործնական գործառույթը: Բայց դրանք ունեն նաև հոգևոր նշանակություն։ Դարպասները մեզ ավելի լավ պատկերացում են տալիս, թե ով է Հիսուսը և ինչ է արել մեզ համար: Այս դարպասները մեզ հիշեցնում են խաչի վրա Հիսուսի ավարտած աշխատանքը: Կարծում եմ, կարևոր է, որ Նեեմիան և մարդիկ առաջինը կառուցեցին Ոչխարների դարպասը: Դա նշանակալի է, քանի որ հենց այստեղ է սկսվում մեր փրկագնումը:

• Հարյուրավոր տարիներ անց մենք տեսնում ենք, որ Հիսուսը մտնում է Երուսաղեմ ոչխարների դարպասից: Նա միշտ քաղաք էր մտնում այս դարպասով, բացառությամբ Հաղթական մուտքի: Ոչխարների դարպասը նույնպես տանում էր դեպի Գողգոթա, այն ճանապարհը, որով Հիսուսը գնաց դեպի խաչելություն: Ոչխարների դարպասը հիշեցնում է մեզ Նրա զոհաբերության մասին: Հիսուս, Աստծո Գառը, վերջնական զոհը, Ով վերցնում է աշխարհի մեղքերը: 

«Ահա Աստծո Գառը, Ով վերացնում է աշխարհի մեղքը»: (Հովհաննես 1.29)

8 Բոլոր նրանք, ովքեր ինձանից առաջ են եկել, գողեր ու ավազակներ են, ուստի ոչխարները նրանց չեն լսել։ 9 Ես եմ դուռը. եթե մեկն իմ միջով ներս մտնի, կփրկվի. կմտնի, կելնի և արոտ կգտնի։ 10 Գողը գալիս է միայն որ գողանայ եւ սպանէ եւ կորցնէ. սակայն ես եկա, որ իմ ոչխարները կյանք ունենան և առատ կյանք։ 

2. Հիսուսը հրավիրում է մեզ անձամբ ճանաչել իրեն։

Հիսուսն ասաց. «եթե մեկն իմ միջով ներս մտնի, կփրկվի. կմտնի, կելնի և արոտ կգտնի։ » (հ. 9): «Իմ միջոցով»՝ դա անձնական հարաբերություն է:

Mylon R. LeFevre-ի Կյանքի պատմությունը

Մայլոն Լեֆևր մեծացել է գոսպել երաժշտության ընտանիքում։ Նա շաբաթվա ամեն գիշեր եկեղեցում էր՝ երգում նվագում և խոսում էր Հիսուսի մասին: 17 տարեկանում նա գրել է «Առանց Նրա» երգը։ Էլվիս Փրեսլին այն ձայնագրել է, և դա Մայլոնին մեծ գումար է վաստակել։ Մայլոն ասում է, այտ գումարի մեծ մասը նա ծախսել է կոկաինի վրա։ 19 տարեկանում Մայլոնը ձայնագրեց քրիստոնեական ռոքն-ռոլ ալբոմ և սկսեց շրջագայել խմբի հետ: Բեմում նա քարոզում էր Հիսուսի մասին. ետնաբեմում նա ապրում էր կարծրատիպային ռոքնռոլի կենսակերպով:

Այդպես շարունակվեց մի քանի տարի, մինչև որ Մայլոնը վերջապես հասավ իր պարանի ծայրին: Հուսահատության մեջ նա կանչեց Հիսուսին. Հաջորդ օրը նա ասաց իր ընկերոջը. «Ես ամբողջ կյանքում երգել եմ Հիսուսի մասին, բայց երեկ երեկոյան առաջին անգամ հանդիպեցի նրան»: Դրանից հետո Մայլոնի երաժշտությունը գրեթե նույնը մնաց, բայց նրա կյանքը փոխվեց։ Նա կարիերան փոխանակեց ծառայության հետ։ Նա կրոնը փոխեց հարաբերության հետ, քանի որ հենց դա է Հիսուսին հետևելը: Դա անձնական հարաբերություն է:

• • Նա, ով մտնում է այդ դռնից, ապրում է փոխված կյանքով։ Նա չի կարող հենց այնպես ներս մտնել ու անհաշտ կյանքով ապրել ներսում գտնվող մարդկանց հետ։ Ահա թե ինչու Հովհաննեսն ասում է.

Եթե մեկն ասի. «Աստծուն սիրում եմ», և իր եղբորն ատի, նա ստախոս է, որովհետև ով չի սիրում իր եղբորը, որին տեսել է, ինչպե՞ս կարող է սիրել Աստծուն, որին չի տեսել։ Ա Հովհաննես 4.20

Հով. 10.27 — Իմ ոչխարներն իմ ձայնը լսում են, ու ես նրանց ճանաչում եմ, և նրանք գալիս են իմ հետևից։

11 Ես եմ բարի հովիվը. բարի հովիվը իր կյանքն է տալիս ոչխարների համար։ 12 Բայց վարձկանը, որ հովիվ չէ, և ոչխարներն էլ իրենը չեն, երբ տեսնում է, որ գայլը գալիս է, թողնում է ոչխարներին ու փախչում։ Եվ գայլը հափշտակում է նրանց ու ցրում։ 13 Իսկ վարձկանը փախչում է, որովհետև վարձկան է և ոչխարներին հոգ չի տանում։ 14  Ես եմ բարի հովիվը, և ես ճանաչում եմ իմ ոչխարներին, ու նրանք էլ ճանաչում են ինձ։ 15 Ինչպես Հայրն է ինձ ճանաչում, ես էլ ճանաչում եմ Հորը և իմ կյանքը տալիս եմ ոչխարների համար։ 16 Ուրիշ ոչխարներ էլ ունեմ, որոնք այս փարախից չեն. նրանց ևս պետք է առաջնորդեմ, և իմ ձայնը կլսեն ու կդառնան մեկ հոտ՝ մեկ հովիվով։  

3. Հիսուսը մարդկության Միակ բարի հովիվն է:

14  Ես եմ բարի հովիվը, և ես ճանաչում եմ իմ ոչխարներին, ու նրանք էլ ճանաչում են ինձ։

Սաղմոս 95.7 — Որովհետև նա է մեր Աստվածը, և մենք նրա արոտի ժողովուրդն ենք և իր ձեռքով առաջնորդվող հոտերը. այսօր եթե նրա ձայնը լսեք…

Ով որ ականջ ունի թող լսէ ինչ որ Հոգին ասում է եկեղեցիներին։ 

Լաոդիկիայի եկեղեցու հրեշտակին գրի՛ր.

Ահա ես դռան առաջ կանգնած եմ ու բախում եմ. եթե մեկն իմ ձայնը լսի և դուռը բացի, նրա մոտ կմտնեմ ու նրա հետ կընթրեմ, նա էլ՝ ինձ հետ (Հայտնություն 3.20):

22 Եվ Դավթի տան բանալին նրա ուսին պիտի դնեմ. որ բացի, և ոչ ոք չփակի, ու փակի, և ոչ ոք չբացի։ 23 Եվ սեպի մեխի պես նրան հաստատուն մի տեղ պիտի ամրացնեմ, և իր հոր տան համար փառաց աթոռի պես պիտի լինի։ 24 Նրա վրա պիտի կախեն իր հոր տան ամբողջ փառքը, սերունդն ու պտուղը՝ բոլոր  փոքրիկ անոթներից մինչև գավաթներն ու ամեն տեսակ սափորները։  25 Այդ օրը,- ասում է Զորաց Տերը,- հաստատուն տեղում ամրացված սեպը (մեխը) պիտի հեռացվի, կոտրվի ու ընկնի, և այն բեռը, որ նրա վրա էր, պիտի վերցվի. Քանզի Տե՛րը խոսեց։ Եսայի 22։20-25

• Այս շաբաթվա համար 23-րդ Սաղմոսը թող լինի շաբաթվա խոսքը:

Ի՞նչ է ասում Սուրբ Հոգին քեզ այս պատգամի միջոցով