Նվաճեք Մտքի ամրոցները

Բանալի համարներ. Հեսու 6.1-16, 20

Հեսու 5.13-15 — 13 Երբ Հեսուն Երիքովում էր, իր աչքերը բարձրացնելով՝ տեսավ, որ ահա իր դիմաց մի մարդ էր կանգնել՝ ձեռքին էլ մի մերկ սուր։ Հեսուն մոտեցավ նրան և ասաց. Դու մեզանի՞ց ես, թե՞ մեր թշնամիներից։  14 Նա ասաց. Ո՛չ, ես Տիրոջ զորավարն եմ և հիմա եկա։ Հեսուն երեսնիվայր գետին ընկավ, երկրպագեց և ասաց նրան. Ի՞նչ է հրամայում իմ տերն իր ծառային։ 15 Եվ Տիրոջ զորավարն ասաց Հեսուին. Հանի՛ր կոշիկներդ քո ոտքերից, որովհետև քո կանգնած տեղը սուրբ է։ Եվ Հեսուն այդպես արեց։

Տիրոջ հաղթանակը չի կարող լինել հանրության մեջ, քանի դեռ մենք չենք մեկուսացել Տիրոջ հետ Իրեն երկրպագելու համար: Հեսուն երկրպագության մեջ ընկավ երեսի վրա, նա խոնարհությամբ հանեց իր կոշիկները և հանձնեց իր բոլոր ծրագրերն իր Զորագլխին, երբ նա ասաց. «Ի՞նչ է հրամայում իմ Տերն իր ծառային: – Ուորեն Վիերսբի

Խոստում.
1 Երիքովն ամուր փակված էր Իսրայելի որդիների պատճառով։ Դուրս եկող և ներս մտնող չկար։  2 Տերը Հեսուին (Եհովան փրկություն է) ասաց. Տե՛ս, ես քո ձեռքն եմ հանձնել Երիքովը, նրա թագավորին և զորավոր քաջերին։  3 Դուք՝ բոլոր պատերազմող մարդիկդ, շրջապատե՛ք քաղաքը՝ մեկ անգամ պտույտ տալով քաղաքի շուրջը։ Վեց օր այդպես կանեք։ 4 Յոթ քահանա յոթ հոբելյանական փողեր թող վերցնեն տապանակի առջևից, իսկ յոթերորդ օրը յոթ անգամ պտույտ կտաք քաղաքի շուրջը, և քահանաները կհնչեցնեն փողերը։ 5 Երբ նրանք հնչեցնեն հոբելյանական եղջերափողերը, և երբ դուք լսեք փողերի ձայնը, ամբողջ ժողովուրդը մեծ աղաղակ կբարձրացնի. քաղաքի պարիսպները փուլ կգան, և ժողովուրդը վեր կգնա՝ ամեն մեկն ուղիղ իր դիմացը։

1. Հավատով Երիքովի պարիսպները վայր ընկան։

Ա Հովհաննես 5.4  — որովհետև ամեն ոք, ով Աստծուց է ծնված, հաղթում է աշխարհին։ Սա՛ է այն հաղթությունը, որ աշխարհին հաղթեց, այսինքն՝ մեր հավատը։

• Այժմ, եկեք քննենք Հեսուի հավատքն ըստ Եբրայեցիս 11-ի:

Եբրայեցիս 11.1-2 Հավատը հուսացված բաների հաստատումն ու աներևույթ բաների ապացույցն է, որովհետև նախնիները դրանով վկայություն ընդունեցին։

• • ես քո ձեռքն եմ հանձնել Երիքովը

Եբրայեցիս 11:6 — Բայց առանց հավատի անկարելի է Աստծուն հաճո լինել, որովհետև Աստծուն մոտեցողը պետք է հավատա, որ նա կա և իրեն փնտրողներին վարձահատույց է լինում։

• • Հավատքը պարզապես ինչ-որ բանի հավատալը չէ, դա գործողություն է:

Հակոբոս 2:19-20 — Դու հավատում ես, որ Աստված մեկ է, լավ ես անում. դևերն էլ են հավատում և սարսափում են։ Բայց ուզո՞ւմ ես իմանալ, ո՛վ փուչ մարդ, որ հավատն առանց գործերի անիմաստ է։

Եբրայեցիս 11.30-31 — 30 Հավատով Երիքովի պարիսպները վայր ընկան, երբ յոթ օր նրա շուրջը պտտվեցին։ 31 Հավատով Ռախաբ պոռնիկը չկորավ անհավատների հետ, որ խաղաղությամբ էր լրտեսներին ընդունել։

2. Գովասանքը և աղոթքը հավատքի արտահայտություն է:

Տեսիլքը.
6 Նավեի որդի Հեսուն կանչեց քահանաներին և ասաց նրանց. Վերցրե՛ք ուխտի տապանակը, և յոթ քահանաներ յոթ հոբելյանական փողեր թող առնեն Տիրոջ տապանակի առջևից։ 7 Եվ ասաց ժողովրդին. Անցե՛ք, շրջապատե՛ք քաղաքը, և զինյալ մարդիկ Տիրոջ տապանակի առաջն անցնեն։ 8 Երբ Հեսուն ժողովրդին ասաց, յոթ քահանաները, որոնք ունեին յոթ հոբելյանական փողերը, Տիրոջ առաջն անցնելով, հնչեցրին փողերը, ու Տիրոջ ուխտի տապանակը գնում էր նրանց ետևից։ 9 Զինյալ մարդիկ գնում էին փողեր հնչեցնող քահանաների առջևից, իսկ վերջապահները՝ տապանակի ետևից. քահանաները գնում և հնչեցնում էին փողերը։ 

Սաղմոս 22.3 Բայց դու սուրբ ես, ո՛վ բնակվողդ Իսրայելի գովասանությունների մեջ։

• Ուխտի տապանակը հիշատակվում է յոթ անգամ 6-12-րդ համարների միջև։ Ինչո՞ւ է դա կարևոր:

• Բոլոր հանգամանքներում Սուրբ Հոգին նախ վերականգնում է Աստծո ներկայությունը մեր կյանքում:

Գործողություն.
10 Հեսուն ժողովրդին պատվիրեց՝ ասելով. Մի՛ աղաղակեք, և ձեր ձայնը չլսվի, ու ոչ մի խոսք դուրս չգա ձեր բերանից մինչև այն օրը, երբ ես ձեզ ասեմ՝ աղաղակե՛ք. այն ժամանակ կաղաղակեք։     11 Տիրոջ տապանակը դարձավ քաղաքի շուրջբոլորը՝ մեկ անգամ պտույտ տալով, ապա բանակատեղի եկան և գիշերը մնացին բանակատեղիում։ 12 Հեսուն վաղ առավոտյան վեր կացավ, և քահանաները վերցրին Տիրոջ տապանակը։ 13 Յոթ հոբելյանական փողերը կրող յոթ քահանաները գնում էին Տիրոջ տապանակի առջևից՝ հնչեցնելով փողերը։ Զինյալ մարդիկ գնում էին նրանց առջևից, իսկ վերջապահներն էլ՝ Տիրոջ տապանակի ետևից, և քահանաները հնչեցնում էին փողերը։ 14 Երկրորդ օրն էլ մեկ անգամ պտույտ տվեցին քաղաքի շուրջը և վերադարձան բանակատեղի։ Այդպես արեցին վեց օր։ 

• Ել. 20:11 – 11  Որովհետև Տերը վեց օրում ստեղծեց երկինքն ու երկիրը, ծովն ու դրա մեջ բոլոր եղածները, իսկ յոթերորդ օրը հանգստացավ։

15 Յոթերորդ օրը կանուխ վեր կացան լուսաբացին և նույն ձևով յոթ անգամ պտույտ տվեցին քաղաքի շուրջը. այդ օրն էր միայն, որ յոթ անգամ պտույտ տվեցին քաղաքի շուրջը։ 16 Յոթերորդ անգամ, երբ քահանաները հնչեցրին փողերը, Հեսուն ասաց ժողովրդին. Աղաղակե՛ք, որովհետև Տերն այս քաղաքը ձեզ է տվել։ Եվ ժողովուրդն աղաղակեց փողերը հնչելիս։ 

20 Երբ ժողովուրդը լսեց փողերի ձայնն ու բարձրաձայն աղաղակեց, պարիսպները փուլ եկան։ Ժողովուրդը բարձրացավ դեպի քաղաք՝ ամեն մեկն ընթանալով ուղիղ իր դիմացը։ Եվ գրավեցին քաղաքը։

Ինչո՞ւ իսրայելացիները շրջեցին Երիքովը։ Նրանք կարող էին շրջանցել և առաջ շարժվել։

3. Ի՞նչ կարող ենք սովորել Երիքովի պատմությունից։

Բ Կոր. 10.3-5 — 3 Թեև մարմնով ենք ապրում, բայց մարմնաւորապէս չենք զինուորութիւն անում։    4 Որովհետեւ մեր զինուորութեան զենքերը մարմնավոր չեն, այլ զորավոր են Աստծով՝ բերդեր քանդելու. մենք դրանցով քանդում ենք ծածուկ մտքերը 5  և ամեն բարձունք, որ Աստծու գիտության դեմ է գոռոզանում, ու գերում ենք ամեն միտք՝ Քրիստոսին հնազանդեցնելու համար։

• Պետք է հասկանանք, թե ինչի հետ գործ ունենք։ Սա մի ազգի կռիվ չէ մյուսի դեմ։ Սա ՀՈԳԵՎՈՐ ՊԱՏԵՐԱԶՄ Է։

«Մենք աղոթում ենք այս ամրոցի դեմ…»: Դուք երբևէ լսե՞լ եք, որ ինչ-որ մեկը այս տողն արտասանի աղոթքով, թե՞ ինքներդ եք դա արտասանել: Եթե երբևէ օգտագործել եք այս արտահայտությունը, ի՞նչ նկատի ունեիք այն օգտագործելիս:

Բերդերը հետևյալնն են՝

1. 1. Աստծո գիտության դեմ բարձրացված մտքեր/փաստարկներ:
   2. Աստծո գիտության դեմ ուղղված ամբարտավան կարծիքներ:
   3. Մտքեր (կամ գաղափարներ), որոնք որևէ մեկին կհեռացնեն Քրիստոսին հնազանդվելուց:

Միտքը դա ուղեղը չէ։ Միտքը առանձին մաս է (սուբյեկտ), որը կառավարում է ուղեղը»։ – Դոկտոր Լիֆ

Մեր յուրաքանչյուր միտքը փոխում է մեր ուղեղի կառուցվածքը։ Եթե մենք անընդհատ բացասական մտքեր ունենք, մենք այդ մտքերը կուտակում ենք մեր ուղեղում, ինչն էլ ազդում է մեր ապագա մտածողության, խոսքերի և վարքի վրա:

Եփ. 6.10-13 — 10 Այսուհետև զորացե՛ք Տիրոջով ու նրա զորության ուժով։ 11 Եվ Աստծու սպառազինությա՛մբ զգեստավորվեք, որպեսզի կարողանաք սատանայի հնարներին դիմադրել։ 12 Որովհետև մեր պատերազմն արյան և մարմնի դեմ չէ, այլ իշխանությունների և պետությունների դեմ, այս խավար աշխարհի տիրակալների դեմ, երկնքում գտնվող չար ոգիների դեմ։ 13 Դրա համար Աստծու սպառազինությո՛ւնը վերցրեք, որ չար օրը կարողանաք դիմադրել ու ամեն բան հաղթահարելով՝ հաստատուն կանգնել։

Մեր Հոգևոր Զենքերն են.
Արդարության զրահը
Կոշիկ Ավետարանը քարոզելու
Հավատի վահանը
Փրկության սաղավարտը
Հոգու սուրը
Հարատև աղոթքը

Ի՞նչ է ասում Սուրբ Հոգին քեզ այս պատգամի միջոցով