Վերկաց Քայլիր

Բանալի համար. Հով. 5:1-9

1  Դրանից հետո հրեաների տօնն էր, եւ Հիսուս Երուսաղէմ ելավ։  2  Եւ Երուսաղէմում  Ոչխարաց դռան մօտ մի ավազան կա, որ Եբրայերէն Բեթհեզդա է կոչվում, որ հինգ սրահ ունի։ 3  Նորանցում խիստ շատ հիվանդներ կային՝ պառկած. կույրեր, կաղեր, չորացածներ, [որ ջրի շարժուելուն էին սպասում։  4  Որովհետեւ Տիրոջ հրեշտակը ժամանակ ժամանակ վայր էր գալիս այն ավազանը եւ ջուրը շարժում. եւ ջրի շարժվելուց հետո նորա մէջ առաջ մտնողը բժշկվում էր՝ ինչ հիվանդություն էլ որ ունենար։]  5  Եւ այնտեղ մի մարդ կար, որ երեսունութ տարի էր հիվանդության մէջ։  6  Երբոր Հիսուսը նորան պառկած տեսավ, եւ իմացավ, թէ արդէն շատ ժամանակից է, նորան ասեց. Կամենո՞ւմ ես առողջ լինիլ։  7  Հիվանդը պատասխանեց նորան. Տէ՛ր, ոչ ոք չունեմ, որ, երբ ջրերը շարժվում է՝ ինձ ավազանի մէջ իջեցնի. եւ մինչեւ որ ես գալիս եմ, ուրիշն ինձանից առաջ իջնում է մէջը։  8  Հիսուսը նորան ասեց.  Վե՛ր կաց, վերցրո՛ւ քո մահիճը եւ ման եկ։  9  Եւ մարդն իսկույն առողջացավ, եւ վեր առավ իր մահիճը եւ ման էր գալիս.  եւ օրը շաբաթ էր։